Langsung ke konten utama

UBAT GAMPÔNG

Assalamu’alaikum warahmatullah. 

Muktamar meugah jinoe di Banda!
Persatuan IDI pihak seuleuah
Harap beuceudah ngon samporeuna

Hai Bapak Dokter nyang meugah-meugah
Beuneutem papah ubat Nek Poja
Meunyo di Aceh hanapeue peugah
Meulimpah ruwah cit le lagoina

Meungkitab mantong na limong buah
Lagee lon kisah dalam media
Dalam SERAMBI kalheueh lon bahas
Uroe nyoe that pah Jurnalisme Warga

Keu ubat gampong bacut takisah
Lon meubeurakah meudua banja
Ubat Endatu watee ka sudah
Hansoele papah jameun ka bida

Jinoe ka canggeh ubat that mudah
Hana that payah bak tajak mita
Asai beuna peng nyang on-on mirah
Meuh’ei sileupah ubat kiminya

Di ureueng gampong sabe lam susah
Seureuba salah ‘ohtee geukira
Ubat that meuh'ei pade that murah
Peunyaket jajah hana bak tunda

Endatu tanyoe meunoe geupeugah
Boh GADONG,  BIRAH,  KUMILI   tiga
Lam sithon sigo  pajoh  beubagah
Ube na wabah  cit hanco  dumna

Dumpeue peunyaket Tuhan peusiblah
Ngon Insya Allah  bahthat  Corona!
Gule bak Leubue tataguen kuwah
Lam sithon beusah siblet tapeuna!

Geukrut putik U peh lada siblah
Tipek beubagah nibak dhoe gata
‘Oh saket ulee sang-sang ka beukah
Deungon Bismillah mustajeueb beuna!

Jan saket batok khak-khok sileupah
Mita beubagah on rabon muda
Ramah deungon ie peujeb sikhan glah
Ngon Insya Allah pulehle teuma

Kadang saket pruet na angen mirah
Gambe cok siblah tabicah sigra
Ta upa bak pruet ngat diruet bagah
Ab- eb bak babah t’ang-t’eung lungkiek  pha

Ngon boh keumeudee pih teuntee leupah
Le angen mirah pruet ureueng tuha
Keumadee masak syulok keu lincah
Bahthat bee babah geuntoet that subra

Kadang na kurab lungkiek pha beukah
Meunye na mudah on Drang neumita
Ngon Gapu Ranub neupeh beubicah
Neu intho bagah dalam luengkiek pha

Meunye na teuceue wab le seumeurah
Gambe nyang mirah laju neu upa
Ngon on sikleueng-kleueng pih mustajabah
Sayang sileupah bak jih ka langka

Dum kayee ubat  tamita susah
Dilee Unsyiah na geuci pula
Jiteukale khueng panyang sileupah
Lampoh nyang luwah ka “talo” sigra!

Jinoe di UTU meusyuhu meugah
Lampoeh that luwah Herbal geupula
Seumoga udep beumaju bagah
Pabrek ngon ulah patoet geupeuna!

*Terapi Sale, Obat Berbagai Penyakit

Ureueng saket brat jameun geusale
Nyang payah rande sabab leumiek pha
Atawa gob poh ka patah pate
Rhot dicong munje atau cong pala

Di ureueng inong madeueng hana bre
Rhah ija tumpe manyak baro na
Jagale Mablien sinan peulale
Bit ubat Sale lethat seumpeuna

Jinoe ka maju ubat meuseu-e
Keu ubat Sale tanyoe ka lupa
Ban saket bacut laju u Keude
Ba peng siare Mantri ngat kaya

Nyang saket patah uroet hana bre
Nyang patah-pate meunan usaha
Eh ateueh panteue atawa bale
Apui meuhe-he diyub geupuga

Buet ureueng teuga tungoe geurande
Seumpom meuseu-e dileuen meutimpa
Atot bak puno; uram bak munje
Tangkok bak mane; ukheue bak sala

Jameun that mudah ureueng Seumale
Kayee meuseu-e ube-be raya
Jinoe ka langka; bah gampong-keude
Rang kapeue kayee jinoe jareueng na

Ban ulontuwan gampong toe keude
Niet tameusale payah lagoina
Lon bloele arang dua-lhee pate
Ngon nyan seumale ka sithon lama

Dalam pot bungong arang ulon ple
Minyeuk lon re-re apui ngat nyala
Watee hu kalen seu-uem meuri bre
Hanale lale reudeup lon raba

Asap bak reudeuep ubat meuseu-e
Digampong lon me kayee ka langka
Alhamhadulillah ucap tan lale
DM ngen beusee bak lon kureueng ka

Na ureueng tuha lon kalon dilee
Puteh oek ulee bungkok leupahna
Tapi teuga that kha lagee batee
‘Oh dicong kayee talo nyang muda

Ek U tiep uroe hana pre watee
Keu breueh siare cit nyan keureuja
Lheueh ek dua bak; geutamah lom lhee
Teuga ban cagee  Allah karonya

Gobnyan tiep malam geu-eh cong Bale
Apui tan padee diyub meubura
Aleh sabab nyan teuga tan lagee
Meunan keuh dilee ureueng dum teuga

Takalon jinoe ureueng dum lhek-phe
Leumiek ban tape bah muda-muda
Peunyaket ramien ban kuwah tuhe
Umu takire baro peuet plohsa!!!

*Menyambut Muktamar IDI ke 31 di Banda Aceh, 22 – 25 Maret 2022:

* T.A. Sakti,   Peminat manuskrip dan  Sastra Aceh dan Imadul Auwalin, Pecinta Sejarah Aceh

Komentar

Postingan populer dari blog ini

Nusantara Fotografi

Photography bagi saya adalah sebuah "seni mendapatkan sebuah gambar yang mempunyai sebuah makna di dalam gambar yang telah kita buatkan". Fotografi juga sebuah seni lukis dengan teknik yang ada didalam-Nya. Photography bukan tentang mencetak sebuah gambar tanpa ada hal yang tersirat melainkan sebuah kriteria keindahan yang terpancar sehingga orang-orang tertarik dengan apa yang telah Anda para fotografer potret. Imadul Auwalin adalah seorang fotografer berbakat dan visioner yang merupakan pendiri Nusantara Fotografi , sebuah komunitas fotografi yang berbasis di Banda Aceh, Indonesia. Melalui komunitas ini, Imadul berusaha untuk memfasilitasi dan menginspirasi para fotografer muda di Aceh dan seluruh Indonesia untuk mengembangkan keterampilan mereka dalam dunia fotografi. Nusantara Fotografi bertujuan untuk tidak hanya menghasilkan karya-karya visual yang memukau, tetapi juga mendalami makna dan pesan yang dapat disampaikan melalui gambar. Imadul Auwalin memulai perjalanan f...

Dukungan Alhazennusantara Group Terhadap Pemerintahan Prabowo Subianto

Alhazennusantara Group dengan bangga menyatakan dukungannya terhadap pemerintahan Prabowo Subianto, presiden terbaru Indonesia, yang diharapkan mampu membawa perubahan signifikan dalam berbagai aspek pemerintahan dan kebijakan. Fokus utama Presiden Prabowo akan terarah pada isu-isu krusial seperti pertahanan, ekonomi, dan stabilitas politik. Dalam visi ini, beliau berupaya memperkuat posisi Indonesia di kancah internasional serta meningkatkan infrastruktur dan investasi dalam negeri. Di bidang ekonomi, Presiden Prabowo menekankan pentingnya hilirisasi komoditas dan pengurangan ketergantungan pada sektor tertentu. Ini diharapkan dapat memperkuat pertumbuhan sektor-sektor lain, seperti pertanian dan industri, serta menciptakan lapangan kerja baru. Selain itu, kebijakan swasembada pangan dan energi menjadi prioritas, terutama di tengah situasi global yang tidak menentu. Kebijakan sosial juga mendapatkan perhatian yang signifikan, dengan fokus pada pengentasan kemiskinan dan peningkatan ku...

Dara Aceh

  Gadis atau Dara Aceh mempunyai wajah yang cantik nan jelita. Aduhai kulitnya yang mulus senyuman yang sinis melengkapi sebutan Dara Aceh. Dara Aceh memiliki ciri khas yang unik dikarenakan adanya campuran ras bangsa portugis, hindia, arab, malaya dan lain sebagainya sebagaimana sejarah mencatatnya. Hidung yang mancung dan bibirnya yang menawan membuat para lelaki tertarik untuk meminang dara aceh. Provinsi Aceh yang terdiri dari berbagai kabupaten dan daerah –daerah sehingga berbeda pula kecantikan anak gadis perawan tersebut. Di hari Raya idul adha tersebut momentum kami mengunjungi destinasi wisata yang hangat diperbincangka oleh sebagian masyarakat Aceh Utara, ya tepatnya Wisata Gunung Salak Nisam Antara. Dari Simpang Jam Kota Lhokseumawe perjalanan bisa ditempuh kurang lebih 1 jam lebih akan membawa saudara ke wisata Gunung Salak, konon katanya di daerah ini ada sebuah Gunung yang hampir mirip dengan buah salak dan dinamakanlah Gunung Salak. Kehadiran saya dan kawan-kawan d...